Rusumo: Abaturage bimuwe mu manegeka barashimira NELSAP

Ku Rusumo mu karere ka Kirehe hafi y’umupaka w’u Rwanda na Tanzaniya, Hadija Mukandoli umwe mubaturage barimo kubakirwa inzu nshya y’amabati, yitegeye igishanga cy'aho yahoze atuye. "Hehe no kongera kurara ntasinziriye nkangurwa n'imvura ntinya ko inkangu inyica". Uku niko avuga. 

Yishimira ko ubuzima bwe bugiye guhinduka biturutse ku mushinga wa NELSAP.

Uyu mushinga, binyuze mu iyubakwa ry’urugomero rw'amashanyarazi rwa Rusumo, wakoze n'ibikorwa by’iterambere birimo gusana no kwimura abaturage batuye mu manegeka, nk’uko byemezwa n’ubuyobozi bw’Akarere ka Kirehe.

Kuvana abantu mu manegeka: Inkunga iboneka gake

Abaturage barenga 60 bari batuye hafi y’umugezi w'Akagera, mu manegeka aho bahuraga n’ibiza n’inkangu buri gihe cy’imvura, bahawe inzu zubatswe ku buryo bugezweho, hakoreshejwe inkunga ya NELSAP, igice cy’umushinga wa Rusumo Falls Hydroelectric Project.

“Iyo utuye ahantu hizewe, biguha amahirwe menshi yo kwiteza imbere. Mfite imishinga yo korora inkoko no guhinga imboga, kuko nzi ko umutungo wanjye utazanyeganyezwa n’ibiza," Muhaweminama Claudine niko avuga.

NELSAP yarenze ingufu z’amashanyarazi

Nubwo benshi bazi NELSAP kubera umushinga w’ingufu za Rusumo (Rusumo Falls Hydropower Project), ibikorwa byawo byarushijeho kugira agaciro ku buzima bwa buri munsi bw’abaturage. Uretse amashanyarazi, abaturage bahawe amahugurwa mu kwirinda ibiza, kubungabunga ibidukikije no gutunganya ubuzima bushya mu midugudu itekanye.

Icyizere ku mupaka

Icyizere cy’ubuzima bushya gishobora no kuba igisubizo ku bibazo by’imipaka. Abatuye hafi y’umupaka wa Rusumo bavuga ko kuba barahawe ubuzima butekanye byatumye batagitekereza kwimuka bajya gushaka ubundi buzima.

"Dufite icyizere cy'ubuzima bwiza kuko iyo ufite amashanyarazi, amazi meza n’ubuzima busobanutse ntakabuza ubaho neza," nk’uko bivugwa na Tharcisse Ndayambaje, umwe mu bubakiwe.

Isomo ku bindi bice by’u Rwanda

Ubu buryo bwa NELSAP bwo gufasha abaturage kuva mu manegeka hubakwa icyizere n’iterambere rirambye bushobora kuba isomo ku yindi mishinga igamije iterambere. Kwibanda ku mutekano w’abantu mbere y’inyungu rusange ni yo nzira yo kugera ku majyambere y’igihe kirekire.

Abaturage banubakiwe isoko mpuzamipaka ribafasha mu bucuruzi bakiteza imbere

flammamedia.com